ＡＡ廢苦之言

巴士可加可減機制一出，民怨四起，阿廖局長竟然話：市民反感始料不及。好心真係始料不及都唔好講出黎啦，講呢句說話對佢有咩益處？唔通佢認為佢講左d巿民就會體諒佢？口口聲聲話由10%優惠爭取到有15%，但係如果d巿民根本用唔到個優惠，咁又有咩用？只要稍為用腦諗下都知預繳回程車費係唔掂啦。巴士公司想「箍客」係可以理解，在商言商，用黎做交換條件都係合理。不過想「箍客」不一定要用預繳丫，可以去程冇優惠，回程時先至扣番優惠價，咁唔係更好咩？冇理由要乘客預繳十幾蚊車蚊，而又冇得退錢，真係好搵笨。