Beautiholics - 我們的實驗美容日誌

睇完個標題, 會否覺得有點掃興?

上一篇好簡單咁介紹過gel甲功具, 連gel點整都未教, 就先來一篇失敗篇, 我都驚這會否嚇壞想學gel甲既你地呢??

不過我只係想話俾大家知, 做gel甲, 學gel甲, 同學其他手藝一樣, 要多練習, 多研究, 鍾意gel甲唔等於可以做得靚, 雖然我會認為天份要有, 但後天努力都好重要呀!!!

功多藝熟, 真係冇錯。

尤其係自已做gel甲, 每做一次會有新既發現, 又會有新既idea。所以d人問, 點解唔比錢出去做呢??? quality係一個問題啦, 但唔駛假手於人, 而自己既作品又得到人地既讚賞, 滿足感係會大到不得了。

你以為我好pro? 咁你又估下, 我啲gel甲出得街見人之前, 我係經過幾多次失敗呢?! 

第一次既作品, 冇錯, 係over左。因為第一次做見到d閃石花多眼亂, 唯有一次過擺哂上去, 朋友見到我第一句 : 嘩! 你隻手指公生野呀?!   


第二次, 一句講哂, 好唔得!!! 甲型唔靚, 又厚, 又短。 依家睇返, 噢, 點解我會可以夠膽出街既?!!

嗱, 做多幾次, 情況有所改善。

我稱上圖為魚網指甲, 係我做咁耐以來最滿意既一次, 你地覺得呢??!!


呢個係近期既款, 清清地, 但, 其實唔係我襯我!!!

好喇好喇, 下一篇一定講點做gel甲, 不過由於本小姐既指甲正在休息中, 要等一會呀!!!!

(text by: 貓me)