close
我係一個幸福慣寵慣舒服慣o既仆街。
我實在唔識總結我最近o既狀況。
I am not a girl, but not yet a woman.
轉番中文,消除無謂o既陌生感,係一句好扮o野好白痴o既說話
已經唔係女仔,又未到女人
--即係我唔想聽到有任何聲音話,咁咪男人囉,呀下
出現好多「大女仔」呀、「kidult」呀、「半成年」呀
讀書時從理論中將之定義為社會o既自戀傾向,個人主義,丟棄應有o既社會承擔
到真真正正燒到埋來自己o既時候,咪一樣都係避
我咁講唔代表我向現實低頭,唔代表我接受到自己咁樣閃避o既醜怪做法
時間無多啦!我成日同自己講,再耽於逸樂,就一世架啦
你條仆街係時候發憤圖強,如果唔係你同其他人仲有咩分別,你同條鹹魚有咩分別
呂大樂四代香港人,所描述o既,我地o既狀況
其實真係唔駛逼得自己咁急,先至得廿幾歲人,路漫漫,有排學
接受自己呢個未確定o既狀態可能先至發揮到最大可能性,
咁快諗結局,依家去計劃幾時退休,我做乜唔早d去死
呢本書係「描述」,唔係總結,
未來仍然靠我地呢批有自覺到自己係社會楝樑o既一點一滴累積,
歷史辯證論依然係我賴以安心o既信條之一
宏觀咁面對自己渺小生命同力量,我依然樂觀
或者係,我依然除了樂觀以外別無他法
我需要一個擁抱用皮膚去確定我仍然存在於世上
正如我需要不停去講o野去用耳朵聽到我o既信念
正如我需要照鏡買衫set頭化妝顧及外表俾我見到自己一時之快
正如我需要用飽或餓o既感覺提醒自己求生意志o既在場
我需要好多好多膚淺o既麻醉,先令我放低呢d不安
試問點解可以睇住電視播d 飢民瘦骨如柴,依然繼續大魚大肉
我唔係妄想劫富濟貧做俠女,我只係覺得我至少要盡我可以盡o既力
加上,呢個世界實在有太多比捱餓更慘不忍睹o既苦況
我係一個幸福慣寵慣舒服慣o既仆街。
我實在唔識總結我最近o既狀況。
I am not a girl, but not yet a woman.
轉番中文,消除無謂o既陌生感,係一句好扮o野好白痴o既說話
已經唔係女仔,又未到女人
--即係我唔想聽到有任何聲音話,咁咪男人囉,呀下
出現好多「大女仔」呀、「kidult」呀、「半成年」呀
讀書時從理論中將之定義為社會o既自戀傾向,個人主義,丟棄應有o既社會承擔
到真真正正燒到埋來自己o既時候,咪一樣都係避
我咁講唔代表我向現實低頭,唔代表我接受到自己咁樣閃避o既醜怪做法
時間無多啦!我成日同自己講,再耽於逸樂,就一世架啦
你條仆街係時候發憤圖強,如果唔係你同其他人仲有咩分別,你同條鹹魚有咩分別
呂大樂四代香港人,所描述o既,我地o既狀況
其實真係唔駛逼得自己咁急,先至得廿幾歲人,路漫漫,有排學
接受自己呢個未確定o既狀態可能先至發揮到最大可能性,
咁快諗結局,依家去計劃幾時退休,我做乜唔早d去死
呢本書係「描述」,唔係總結,
未來仍然靠我地呢批有自覺到自己係社會楝樑o既一點一滴累積,
歷史辯證論依然係我賴以安心o既信條之一
宏觀咁面對自己渺小生命同力量,我依然樂觀
或者係,我依然除了樂觀以外別無他法
我需要一個擁抱用皮膚去確定我仍然存在於世上
正如我需要不停去講o野去用耳朵聽到我o既信念
正如我需要照鏡買衫set頭化妝顧及外表俾我見到自己一時之快
正如我需要用飽或餓o既感覺提醒自己求生意志o既在場
我需要好多好多膚淺o既麻醉,先令我放低呢d不安
試問點解可以睇住電視播d 飢民瘦骨如柴,依然繼續大魚大肉
我唔係妄想劫富濟貧做俠女,我只係覺得我至少要盡我可以盡o既力
加上,呢個世界實在有太多比捱餓更慘不忍睹o既苦況
我係一個幸福慣寵慣舒服慣o既仆街。
全站熱搜
留言列表