記得忘記 幸福的愛情首要是遺忘誠諾

我認…我…重色輕友XDDDDD乜都輕曬~除左工作同工課。喱兩樣真係做到我hihi…

是日紅日…硬要放自己假，為既係陪男朋友，weekday既紅日實在要好好珍惜…第時就唔知喇…不過今日冇煮飯仔…淨係陪左佢出去踢波，餵蚊…=_=

XDDD好~然後就係時候…曬命again~~~忙到唔得閒打日記既我~又係時候曬命~一句到味~佢好錫我囉~XDDDD一得閒就煮飯我食~~肥Ｑ死我~:sosad:好在…我都仲頂得住下…唔係真係死得人多…

http://www.pixnet.net/album/unicorn0106/13801282
相簿睇…我的住家菜~XDDDDD~佢手勢不錯的~~~不過…頗重手…次次都飽到我hihi…

學期尾喇… work hard play hard!!!!唔可以有任何閃失!!!!!要打report…

希望fusion system真係請咁就唔擔心…最驚係唔請要繼續出面浮浮沉沉…唔通真係要做老電?!你逼到我走頭無路我唸我會肯…應該…係掛…但solution company真係唔錯的選擇…consultant喱個title我好鐘意的說…希望真係可以成事。

兩個人相處好多野要去面對，到今日我仍然覺得一齊好開心，每日都過得好好。佢總會好錫我的去花時間係我身上。好多野做都好都會陪我食個lunch，好多野做都好，有時間都會過黎搵下我，可能買野俾我食，可能只係黎錫啖我，又或者接我放工，好純緒地陪我行去巴士站。總會張佢鐘意食既野都夾俾我，出去總會以我優先。就算好忙咁做緊野，都會拖住我，都會望下我叫下我。一齊去買送，唔會要我拎野，會做低能野哄我笑。見我著左大半日高爭鞋，佢會自動地按摩我腳板完完全全唔怕污漕。我返左一日工佢唔會要求我去洗碗，佢會提我要乖乖地食野，唔準唔帶遮去淋雨，每日都會好自動地自己打俾我，每日都會好掛住我好愛我。

佢係一個一百分既男朋友，我要學會去用佢鐘意既方式去愛佢。相愛很難，所以要好好珍惜。

一個返到屋企都好好既男朋友，一個任何時候都會顧及我感受既男朋友。自問只會覺得自己未夠好，覺得未夠體貼，未夠細心。佢係一個我激嬲左佢…佢都係會先搵返我既男朋友。佢係一個唔會掉低我係房一個人訓既男朋友。一個會講甜言蜜語去哄我笑既男朋友。佢真係好好，我會小心地呵護喱段愛情， 我唔知係咪可以一直繼續落去，我唔知可唔可以一生一世，但喱一刻，我的確好想好想就咁樣一生一世的相愛下去。